بسم الله الرحمن الرحيم
قصيدة في مفاخر حرب وتاريخها
لايجيدها الا شاعر كبير بحجم جازي الشعيفاني
بسمي وبسم اللي لهم بالوفى شـان=ربعـي قبيلـة حـرب نعـم القبيلـه
يا مرحبا ترحيب من قلـب ولسـان-في حفل ربعـي كاسبيـن الجميلـه
قوم تعز الجـار فـي كـل الأزمـان-طبع لهم مـن جيـل يبقـى لجيلـه
توارثـوه عيـال ذربيـن الايمـان=اهل الوفاء واهل الصخـى والنفيلـه
افعالهـم جزلـه وترسـخ بالأذهـان=كسابـت النومـاس ماهـي بخيلـه
دايم فعايل حـرب جـزلات وسمـان=مرجحيـن الكيـل لا شـح كيـلـه
مع الوفاء والجود بالكـون فرسـان=لا ثـارت الهيجـاء إعداهـا ذليلـه
ربعي بني سالم ومسـروح شجعـان=لي الفخر سـاس العـرب منتميلـه
ابن نحيت ليعتلـى صهـوة حصـان=تشبـع بهداتـه اسـبـاع هزيـلـه
وفعل الذويبي مايجهله كـل فهمـان=بحـد الويصـق كـم راس يشيلـه
وابن اجديع اليا زمـا كـل طمعـان=يامـا ويامـا شـال قدمـه دبيـلـه
ومانع أخو فزه ياما ضـف عربـان=فعل الجميلي فـي اللقـاء يندعيلـه
ومن كف أخو جوزاء رغى كل طغيان=عقب الهدير ارغاه يسمـع عويلـه
والفرم في كفه ليـا شـاط فسقـان=كـم فـارس للقـاع طـاح بغليلـه
وإن ثار عج الخيل من غير عفتـان=يروي المشواك فوق صفرا اصيلـه
وسعيد الذكري لـه الفعـل وكـدان=يركي علـى كبـد المعـادي مليلـه
ومعطي الحذيه يوم رابح وخسـران=هذاك ابـن ناحـل معطـي الجليلـه
وسند وابن راجـح مقاديـم سلفـان=تاريخهـم بالمجـد مـحـد يزيـلـه
رجالنا دايم علـى الطيـب شفقـان=عن الخـوي زود الحمـل ترتكيلـه
خوينـا عـن الخطـر دوم بـأمـان=يامـا فعلنـا دونــه المستحيـلـه
فعل البلالـي يرجـح بكـل ميـزان=دون الخوي فـدى بروحـه وحيلـه
وقصة نويشـي لنقـى دوم عنـوان=للي نشد عـن النقـاء هـي دليلـه
وفعل الصرير بمدت الجـود برهـان=يـوم السنيـن القاسيـة ينعنيـلـه
ياما عطى يوم العطى مالـه أثمـان=يمنـاه بالمـدات دايــم جزيـلـه
ومحصى فعايل حرب بالحيل غلطـان=أمجادهـم ماجـت بـيـوم وليـلـه
حرب حمول الخيل فـي كـل ميـدان=قدامهـم مـن طـاح يـا عزتيـلـه
فكاكـة الـذود المطـرف بالأكـوان=بالسيـف والشلفـاء تمـن جفيلـه
ذكرت رمـز وزبـدة العلـم نيشـان=والمجتهـد لا جتهـد لـه حصيلـه
والعذر لا قصرت انا بطبعي انسـان=عن مانسيت العـذر اجمـل وسيلـه
في كل دار رجـال للطيـب مزبـان=كـل القبايـل دارهــا تحتميـلـه
كل على حقـه ليـا نيـش سلطـان=ما يجحـده غيـر النفـوس العليلـه
هـذا وانـا مازلـت مانـي بقنعـان=قريحتـي بالشعـر ماهـي ثميـلـه
اختار من بحـر المعانـي والأوزان=و أغوص واسبح بالبحور الطويلـه
حنا أهل الأبل ليا طمع كـل شرهـان=حامينهـا بحـد السيـوف الصقيلـه
غالي ثمنها ودونهـا عيـال شيبـان=ترعى بها قفـر الفيـاض المسيلـه
ولعل من حـط المزايـن لهـا الآن=يوفقـه منشـي المـزون الثقيـلـه
في عهد حكـام لهـا كـل عرفـان=أمن وأمان فـي ظـل دولـه ظليلـه
وانجدد البيعه لهـم سـر واعـلان=والمعتـدي ملـعـون والله يزيـلـه
وصلوا على اللي خاتم كـل الأديـان=الهـادي المهـدي لـدرب الفضيلـه
ليست هناك تعليقات:
إرسال تعليق